<$BlogRSDUrl$>
Google

sunnudagur, mars 20, 2005

Þú vínviður hreini... 

. ... og eilífi eini.
Ég ein er sú greinin sem fest er við þig.
(og allir saman nú:)

Ésú, ó þú minn elskaði Ésú...

Á þessum degi fyrir allmörgum árum reið maður nokkur um á asna og fólk lagði pálmagreinar að fótum hans í lotningu. Ekki veit ég fyrir víst hvernig þessu er varið á landsfundi sjálfstæðisflokksins en eitthvað grunar mig að stemningin sé svipuð...

Nokkrum dögum síðar hékk þessi sami maður píndur og niðurlægður á krossi og pálmagengið hvergi nálægt. Það er fallvalt veraldargengið þar sem mannkynið á í hlut. Enda siðferðilega aumt kyn og eymdarlegt að flestu leyti. Valdníðsla það eina sem það skilur.

Í dag flykkist þetta kyn í Bónus til þess að hlaða upp hjá sér steikum og rjóma og súkkulaði og marengstertum og kemur svo við í Vínbúðinni svona til þess að ná sér í punktinn yfir iið á píslarhátíðinni, býsnast yfir því að allt sé lokað og ekkert í sjónvarpinu á föstudaginn og því annað hvort að byrgja sig upp af vídeóspólum eða vodka. Sona bara til að deyfa samkenndarsársaukann með frelsaranum...

Svo mælti Gweldaþústra daginn sem hún tók þumalinn úr ....gatinu og hellti sér í skattskýrslugerðina.

laugardagur, mars 19, 2005

Fyrir tiltekt 

Búinn að drekka morgunkaffi og hef komist að þeirri niðurstöðu að besti tími vikunar eru laugardagsmorgnar. Þeir ná því þó ekki nema eftirfarandi reglum sé fylgt eftir.

1. Fyrst af öllu þarf að tryggja friðinn.
2. Síðan þarf að hafa til fulla könnu af kaffi og ekki er verra að skella eihverju í ofninn, t.d. Croissant eða beyglum.
3. Taka til blöðin, verða að vera öll ( Mogginn, Fréttablaðið og DV.
4. Blöðin má ekki snerta fyrr en morgunnmatnum er sleppt.
5. Allir fá að smakka á nýbökuðu en síðan eiga börnin að láta foreldra sína í friði á meðan þau kjamsa á fréttum vikunnar.
6. Tveir tímar minnst.
Þegar þessum reglum er fylgt þá fyrst er möguleiki á því að maður sé tilbúinn í tiltekt í geymslu eða í ferð á útsölu.
.
Laugardagsmorgunn hjá Lava

föstudagur, mars 18, 2005

Gullalitla búningahönnuður 

Jæja kæru fjölskyldumeðlimir! Langt síðan ég hef bloggað! Hér er samt ástæðan fyrir því! Ég hef verið að vinna að uppsetningu söngleikssins MÚLAN RÚS í FG. Þar er ég búningahönnuður og sá um að hanna alla búningana og sauma þá flest alla. En núna eru sýningar hafnar og ég hef minna að gera (þó alls ekki búin) Mig langaði að auglýsa þetta fyrir ykkur vegna þess að fólk er að tala um að þetta sé sýning ársins! Og meira að segja Borgarleikhúsið að skoða hvort að sýningin verði keypt í sumar! Foreldrar mínir og Amma&afi koma á sýninguna 29. mars og ef ykkur langar þá verða fleiri sýnigar en sem stendur eru næstu sýningar 23.mars og 29.mars. Svo eru planaðar aukasýningar 1. 2. og 7. apríl (þó er ekki byrjað að auglýsa þessa daga svo að ég veit ekki hvernig það er með að kaupa miða á þær en endileg að prófa! Látið mig svo vita þannig að ég geti hitt ykkur á staðnumm :) Miðasala fer fram á skrifstofu skólans frá 09:00 til 18:00 alla virka daga og einnig í síma 520-1600, miðinn er á 1500kr. Sýningarnar eru í hátíðarsal skólans klukkan 20:00. Endilega komiði og sjáið! (búningana!)

fimmtudagur, mars 17, 2005

Áhugi fyrir vörubifreiðarkaupum 

Svona líður mér í dag

miðvikudagur, mars 16, 2005

Sá lifir sem étur 

. Önnur tilraun......

Sá lifir sem étur 

Ég ét. Mikið. Lifi stórt. Kannski lengi. Kannski ekki. Áðan spændi ég upp einn kadburríseggjapoka á meðan ég horfði á Ewan sæta í sjónvarpinu. Hann er ekki bara sætur, Tutla. Hann er hönk. Þriggja vaffa, gæti ég trúað. Fer vel með klæddu súkkulaði.

Ergó: Æmalæf. Og meðan ég lifi, lifir Frussan, mitt skilgetna afsprengi. Ég var bara að láta reyna doldið á hina ævisöguritarana. En nú sný ég aftur með fullu fossi. Eins og sagt er.

Fyrst bursta ég tennurnar. Svo skríð ég í mitt blíða ból og hleypi draumunum að, en eins og Hammerzklanið veit er þar gaman að vera. Að morgni bursta ég tennur á ný, garga öllum til sinna heima, sit fundi daginn út og fer á klúbbfund að kveldi. Svo endurtekur sagan sig en skyndilega rennur upp helgi og ÞÁ SKO... Þá blogga ég.

This page is powered by Blogger. Isn't yours?

Weblog Commenting by HaloScan.com