<$BlogRSDUrl$>
Google

sunnudagur, maí 01, 2005

Eitt stutt olnbogaskot 

Það er rétt að reyna að vekja þessa skutlu til lífsins. Allir helstu frussuskríbentar farnir að fljúga sóló og maður einhvern veginn svo ófrumlegur og upptekinn alltaf hreint.

Tveir ungir menn sitja í stofunni minni og horfa á spennandi bíómynd. Annar orðlaus af spennu, hinn í hrókasamræðum við myndina. Meira að segja á ensku. Minnir mig á hve misjafnlega mennirnir bregðast við áreiti. Sumir eru bestir undir miklu álagi. Við eigum eina frænku í Ameríku sem sest upp í bílinn sinn og keyrir af stað þegar vandamál skjóta upp kolli. Er semsagt alltaf á leiðinni eitthvað og má þ.a.l. ekki vera að því að takast á við vandann. Þegar vandamálin eru hins vegar komin á háalvarlegt krísustig nemur hún staðar og tekur fílefld á málunum, enginn betri til þess að leysa alla hnúta og láta allt ganga upp. Svo eru svona konur eins og ég sem borða til að gleyma...

Ég óska okkur öllum til hamingju með daginn. Hóf daginn á fyrstamaísopa hjá verklýðsforkólfinum á Langholtsveginum og heilsaði upp á afmælisdrenginn þar, blessuð barnapían mín orðin 16 vetra. Svo var litið við hjá Hammer og Frússu. Að venju var þar nokkuð um manninn. Lavi fór með mér að skoða íbúð við Gnoðarvog sem er til sölu. Fín íbúð á góðu verði en dugar ekki til að lokka Nusa minn úr hundraðogeinum. Ætli sé ekki best að reyna bara að koma þessari í skemmtilegra skikk og leigja skúr undir Nusann.

Pé ess: Til hamingju Prisnupessa og Prisninn með nýju íbúðina. Á ekki að bjóða manni að líta við?

This page is powered by Blogger. Isn't yours?

Weblog Commenting by HaloScan.com