þriðjudagur, mars 18, 2003
Kvalavein konu
Þar sem ég er að bíða eftir því að hálftími sé liðinn frá tannburstun er rétt að ég opni mig hér og helli úr mínum djúpu skálum. Svo skola ég.
Ég var að koma úr fyrsta leikfimitímanum. Varð fjólublá í framan, sá stjörnur og gekk út á brauðfótum, en svei mér þá hvað ég var dugleg barasta. Kennarinn byrjaði á að segja okkur að við færum rólega af stað, fyrstu tveir tímarnir færu í að læra æfingarnar í RÓLEGHEITUNUM!!! Rólegheit, minn rass!! Ég held að hún sé haldin kvalalosta, þessi stelpa sem kemst fyrir innan í öðrum upphandleggnum á mér. Og rúmt um hana.
Ég er reyndar ósköp ánægð með það að vera að breyta um lífsstíl. Í dag naut ég þess að borða epli þegar vinnufélagar mínir úðuðu í sig súkkulaðiköku með karamellukremi (stundu og dæstu af nautn, þessir vesalingar, sem enga sjálfsstjórn hafa). Ég geri alveg eins og Bára segir mér; brosi, drekk vatn og hugsa grönn... ja, reyndar ekki á meðan ég púla fyrir framan spegilinn í leikfiminni. Þá horfi ég bara furðu lostin á þessa fjólubláu konu sem er ekki ég. En það lagast.
Þar sem ég er að bíða eftir því að hálftími sé liðinn frá tannburstun er rétt að ég opni mig hér og helli úr mínum djúpu skálum. Svo skola ég.
Ég var að koma úr fyrsta leikfimitímanum. Varð fjólublá í framan, sá stjörnur og gekk út á brauðfótum, en svei mér þá hvað ég var dugleg barasta. Kennarinn byrjaði á að segja okkur að við færum rólega af stað, fyrstu tveir tímarnir færu í að læra æfingarnar í RÓLEGHEITUNUM!!! Rólegheit, minn rass!! Ég held að hún sé haldin kvalalosta, þessi stelpa sem kemst fyrir innan í öðrum upphandleggnum á mér. Og rúmt um hana.
Ég er reyndar ósköp ánægð með það að vera að breyta um lífsstíl. Í dag naut ég þess að borða epli þegar vinnufélagar mínir úðuðu í sig súkkulaðiköku með karamellukremi (stundu og dæstu af nautn, þessir vesalingar, sem enga sjálfsstjórn hafa). Ég geri alveg eins og Bára segir mér; brosi, drekk vatn og hugsa grönn... ja, reyndar ekki á meðan ég púla fyrir framan spegilinn í leikfiminni. Þá horfi ég bara furðu lostin á þessa fjólubláu konu sem er ekki ég. En það lagast.
