Frussa - ibbum Goggana

Á síðasta degi sumarfrís er ég vakin upp fyrir allar aldir af veiðimanni í Mývatnssveitinni með bilað vísakort. Ekki smart staða að vera búinn að vaða rándýra laxveiðiá upp í nára, eða jafnvel handarkrika, í þrjá sólarhringa og geta ekki borgað fyrir sig. Kannski meira að segja búinn að fá'ann.

En það er svo sem ekkert að því að láta vekja sig á svona fögrum morgni þegar bærist ekki strá og ský er hvergi að sjá. Maður verður bara skáldlegur, andaktugur og fullur af andagift. Bregður sér jafnvel í sund.

Einmitt núna gæði ég mér á nýbökuðum "normali" með lifrarkæfu og súrri gúrku og drekk mitt guðdómlega kaffi með. Sannarlega peninganna virði, kaffið hér á Leifsgötunni.

Ég hef svo góðar ástæður til þess að borða vel í dag. Í fyrsta lagi gleymdi ég því í gær og lá við yfirliði eftir leikfimina. Sem betur fer var ég með hjúkrunarfræðinginn minn með í för, annars lægi ég sjálfsagt enn eins og slytti á miðju djassballettgólfi hjá Báru. Í öðru lagi er ég að fara í tannaðgerð í eftirmiðdaginn og mun verða á fljótandi fæði á næstunni.

Það fylgir því vissulega tregi að vera kominn að sumarleyfislokum. Mér hefur snilldarlega tekist að reka burt allar hugsanir um vinnuna þessar vikur og telja mér trú um að þetta sé lífið; ég að gera það sem mig langar til hvurju sinni. Ég er ekki svo mikill lúði að halda því fram að ég fengi nóg af því að vera heimavinnandi húsmóðir og herra síns eigins rassgats, eins og sagt er. Nei, mér hentaði best að vera hér heima með sólinni. Og kaffivélinni minni. Hér get ég sko fundið mér endalaus verkefni og ef mér leiddist gæti ég alltaf rölt á Súfistann og lesið dönsku blöðin.

Nú er hins vegar klukkan farin að ganga tíu, prins númer eitt (lánsprins) vaknaður og kominn í tölvuspil og prins númer tvö sefur enn. Ég er að hugsa um að drífa þá í sundlaugarnar á þessum fagra degi.

Árnað heilla

Ég sá í Morgunblaðinu að Rós Ingadóttir hefur náð hinum merka áfanga að verða 50 ára.
Hún dvelur á Kúbu á afmælisdaginn ásamt eiginmanni sínum, Kjartani B. Guðmundssyni, og yngri dóttur þeirra, Rakel.
Húrra, húrra húrraaaaa........

Hjaltesteðar hafa gefist upp á þessari svokölluðu ættarmótsundirbúningsnefnd og hafa ákveðið að hittast og halda golfmót í staðinn.
Það verður haldið á suðurnesjum um aðra helgi og má ætla að nokkrir ættarlaukar spóki sig þar við bandíleik að heldrimanna sið.

Annað var það ekki.

Seyra

Góðir .....ar

Senn haustar og þá koma bráðum jólin og páskarnir og þá aftur vorið.
Þá förum við og gróðursetjum og þá verður okkur mál. Það er málið sem
ég ætla að ræða um hér.

Minni á að við höfum stofnað sjóð sem mun gegna því mikilvæga hlutverki
að stuðla að aukinni vellíðan í Móakoti.

Senn kemur vorið.

Ótrúlega mikið að gera hjá öllum núna.