Frussa - ibbum Goggana

... reynist þessi systir úr níu systkinahópnum, sú sem býr í París, vera með leiðsögn um borgina. Hér má nálgast heimasíðu hennar.

Ég held að ef okkur dytti í hug að hittast í París einhvern daginn þá væri hún sko ekki sú vitlausasta að fá leiðsögn frá. Mig langar alveg til Parísar núna, eftir að hafa lesið síðuna hennar. Langt síðan síðast ... alveg heilt ár bara.

Ég mæli með hótel Diana í Sorbonne hverfinu. Þar var gott að gubba þegar ég var með matareitrunina í fyrra. Man skýrt hvað það var gott að liggja í hreinu rúminu á því hótelherbergi eftir stökk á baðherbergið. Man líka hvað hverfið er yndislegt þegar ég hafði fengið franskar undrapillur sem stoppuðu gubbupestina á nó tæm.
Mun aldrei gleyma að hafa gubbað á business class gólfið í vél Air France.

En án alls gríns þá er Diana pínulítið rómantískt hótel sem ég ætla að búa á í hvert skipti sem ég fer til Parísar.

Mér finnst við vera mörg.
Hér er svo heimasíða þar sem ein þeirra skrifar að henni finnist gaman að geta sagst vera "elst af 9 systkinum".
Mér hefur alltaf fundist flott að segjast vera yngst af sjö.
Það er samt flottast að segja að afi og amma séu systkinabörn og að ég og Gwelda systir séum þremenningar.
Alltaf gaman að því.
Svona eins og að leggja fyrir fólk sjokkerandi gestaþraut og fá svarið "átt þú þá ekki að vera fötluð?"

Hér er allavega síða hinna, Einnogátta.
Það virðist vera sem að ein úr þessum stóra hóp sé búin að fá hin (allavega systurnar) til þess að skrifa smá kynningu á sjálfum sér. Eins senda þær inn fjölskyldusögur og brandara. Ég veit að ein þeirra býr í París og virðast hinar vera að stefna þangað í ferðalag. Yfirskrift síðunnar er allavega París 2006.
Mér fannst gaman að lesa þetta þó ég þekki ekki þetta fólk.

... duruddududd ...

Stundum fær maður lög á heilann.