Frussa - ibbum Goggana

Jám.
Hér eru nokkrar ástæður fyrir því af hverju ég myndi deita Joel ... ef ég væri ekki upptekin við annað:

Why you should continue to date me, by Joel A. Friesen.

Borða, borða, borða, borða, borða, borða, borða, borða, borða,borða, borða, borða, borða, borða, borða, borða, borða,borða, borða, borða, borða, borða, borða, borða, borða, borða, borða, borða, borða,borða, borða, borða, borða, borða, borða, borða, borða, borða, borða, borða, borða, borða, borða, borða, borða.

Á meðan aðrir í fjölskyldunni léttast (hef fregnir af 15 kílóum Lava) þyngist ég. Reyndar ekki mikið en nú hef ég á tilfinningunni að þetta fari að koma.

Ég hef stækkað einhver ósköp en þyngst sáralítið. Hingað til.
Svo er það að ég les í bókinni að í þessari viku stækki barnið um 10 cm. Hvort sem það er rétt eður ei, þá hefur át mitt aukist á svipaðan máta og það gerði í byrjun.

Ég er alltaf svöng!
Nú er ég t.d. að borða rúgbrauð með avókadó eftir að hafa rennt niður þremur hrökkbrauðssneiðum með léttu viðbiti.
Hingað til hef ég ekki litið við neinu sem óhollt þykir, nú get ég étið hvað sem er.
Nema súrar gúrkur.

Stórkostlegi Kærastinn minn bauð mér á Hereford í gær þar sem ég sporðrenndi næstum heilli steik með salati og eplaköku með rjóma í eftirrétt. Fékk ekki einu sinni brjóstsviða.

Nú fæ ég mér annað undanrennuglas.

Borða, borða, borða, borða, borða, borða, borða, borða, borða,borða, borða, borða, borða, borða, borða, borða, borða,borða, borða, borða, borða, borða, borða, borða, borða, borða, borða, borða, borða,borða, borða, borða, borða, borða, borða, borða, borða, borða, borða, borða, borða, borða, borða, borða, borða.

Er farin að tala við bumbuna. Finnst ég hálf kjánaleg en geri það samt. Segi "eins gott þú takir við einhverju af þessu, ég má ekkert við því að verða feitari!"
Um að gera að koma inn sektarkenndinni nógu snemma.
Ekki er ráð nema í tíma sé tekið.

Í fyrsta skipti síðan ég var 23ja ára vigta ég mig reglulega.
Mest því mér fannst svo neyðarlegt þegar ljósan spurði mig hvað ég hefði verið þung fyrir óléttu að ég gat ekki svarað henni. "Uhh .. ég veit það ekki, ég vigta mig aldrei".
Ég hefði alveg getað sagt henni hvaða stærð af buxum ég notaði en það breytti víst engu. "Já, buxurnar sem ég keypti í september voru númeri stærri en þær sem ég hafði keypt síðast. Uhh, hmm, ég var víst orðin ólétt í júlí ..."
En nú vigta ég mig svo ég veit hvað ég er þung.
Ef ljósan skyldi spyrja mig aftur.

Annars vorum við í sónar á föstudaginn hjá systur Peter. Það var ofsalega gaman og mikið líf og fjör í mallanum. Ekki var hægt að fá staðfest kyn ... svo enn getur brugðist til beggja vona!

Litið inn í kennslustund í jóga í Helsinki. Jaako og Jukka sýna nýjustu sólaræfingarnar.