Frussa - ibbum Goggana

Og ég vinn frá níu fimm. Kellíng, kellíng! Koma svo.

Nú fer ég að hringja í Maze bræður.

Ég er að bíða eftir að kellíngin í Þverholti hringi í mig, hún er búinn að brjóta samninginn!!!!!

Komdu með íbúðina kona!!!!

Núna.......

...fara nú í hönd. Lengi höfum við hjúin mátt þola gólfkuldann í boði stúdentagarða en munum senn hverfa á nýjar slóðir. Upp í Mosó er förinni heitið, á morgun fáum við lyklana og Ólafía ætlar að vera búin að taka niður sitt takkí stöff og ferja nær Debenhams í Smáralindinni.

Ég get ekki sagt annað en að þegar ég hugsa til baka og velti fyrir mér þessum háskólaárum hér í egginu komi ýmislegt upp í hugan, ýmislega prenthæft. Ætlun mín er þó ekki að gera langa sögu stutta eða einhverja sögu yfirleitt í þessum pistli.

Heldur að benda ykkur öllum á bókina Heimskir Hvítir Karlar, eftir Michael Moore sem ég skrifaði meil áðan. Ég ætla að reyna að fá hann á skerið.

vá maður, það er bara pressa!

Tutla getur svo lítið skrifað þessa dagana, það er svo mikið í gangi!

Þekkjandi The Family Hammers grunar mig að flestir séu búinir að frétta að Tutlan er búin að fara á tvö deit í síðustu viku.
Þeir sem ekki óvart verða útundan í fjölskylduslúðrinu verða yfirleitt öskuillir og sárir yfir að fá ekki fréttirnar svo ég þori ekki annað en að segja frá þessu á Frussunni.

Maðurinn stóð sig með prýði á báðum stefnumótum. Ef hann heldur áfram að standa sig svona vel þá fær hann nafn á Frussunni, sem eins og allir vita er mesti heiður sem nokkur getur öðlast.
Þá meina ég að verða nefndur með (ör)nefni en hann fær að sjálfsögðu ekki aðgang. Það gerir aðeins þeir sem hafa hreinræktað DNA, svokallað Hammersgen.

Tillögur óskast að örnefnum. Þó hann hafi áður verið nefndur Lundamaðurinn, sem er sannarlega réttnefni, þá á ég barasta annan vin sem er kallar sig Skokkandi Lunda og hefur haldið því nefni í bráðum 9 ár.
Þeir sem vilja vita meira um gæjann geta haft samband við Gweldu. Hún fær fréttirnar fyrst því hún verður venjulega sárust þegar hún fær þær síðast.

Það er samt bannað að uppnefna því þessi gæji gæti loðað við Tutlu.
Þetta hljómar nú ekki alveg kurteizt en fær að standa for humorens skyld.

Gott er lífið þegar það er svo gaman að deita að manni er meira að segja sama þó allur heimurinn viti það. Ef ekkert verður úr þessu þá var allavegana fjör á meðan það varði.
Ces't la vie.

Einu sinni voru tveir álfar sem áttu heima í skóg. Þeir voru báðir af legg Alfinns og höfðu alla ævi verið til fyrirmyndar. Þrátt fyrir að teljast máttarstólpar í samfélagin álfanna hhafði hvorugur þeirra náð sér í kvonfang. Hróbjartur, en svo hét annar þeirra, var ákveðinn í að næla sér í Álfhildi nokkra sem var dóttir Álfs Álfssonar Álfs Álfssonar álfakonungs í Álfabakka, en Hróar, sem var hinn, var lítið upp á kvennhöndina og hafði hugsað sér að biðja sér manns og þá helst Hróbjarts vinar síns. Hvað gerðist síðan er efni í aðra sögu en svakalega eruð þið löt við skriftirnar

Þá hafa íslendingar bjargað Bush og Blair fyrir horn.
Með ótrúlegri fundvísi (genatískt langt aftur í aldir) duttu okkar menn niður á nokkrar sinnepstúpur við vegarkant í Írak. Reyndar skilst mér að nokkrir danir hafi verið með í för en það skiptir litlu þar sem að allir helstu fjölmiðlar taka það fram að það hafi verið íslenskir sprengjusérfræðingar sem hafi verið að verki. Þetta kemur reyndar ekki á óvart þar sem við íslendingar höfum í gegnum tíðina verið ákaflega fundvís þjóð. Allt frá því að Golli hóf byggð á sínum súlustað hefur íslenska þjóðin fundið hitt og þetta og er skemmst að minnast Kára Stefáns sem ýmislegt hefur fundið á undanförnum mánuðum. Reyndar virðist þetta fundvísigen vanta í einhver okkar og þar á meðal mig. Ég hef í gegnum tíðina frekar týnt hlutunum en ég hef þó alltaf ótrúlega mjúka olnboga. Annars er það af mér að frétta að konan mín er komin í bólið og þangað er ég á leið líka.

Þangað til næst,

Lavi