Frussa - ibbum Goggana

Ekki varð það úr að við kæmumst í útskriftarveisluna í gær. Óskum til hamingju engu að síður og munum bæta fyrir brot okkar hið fyrsta.

"Yoso! Hah! Yoso! Hah!" heyrist úr sjónvarpstækinu mínu. Ninjamynd í því. Amríska hollívúddmúsíkin er farin að hljóma eins og myndinni sé að ljúka. Þaldégnú. Þá er komið kvöld hjá mínum. Pissobussta. Kela ofurlítið. Lesa smá ef klukkan leyfir. Getur ekki bæði haldið og sleppt, ef maður velur ninjur getur maður átt á hættu að missa af Páli Vilhjálmssyni... Góða nótt. Mamma, má ég fá vatn? Farðasofa! Mamma, sængin er í klessu... Farðasofa! Mamma, ég get ekki sofnað... Góða nótt!

Í dag var góður sunnudagur. Frussa og Hammer mættu að smakka kaffið úr nýja gæludýrinu. Sátum úti í garði þar til sló um okkur svo við jaðraði að við forsköluðumst. Þá fórum við í göngutúr; Leifsgata - Skólavörðuholt - Lokastígur - Týsgata - Óðinstorg - Spítalastígur - Bergstaðastræti - Baldursgata - Nönnugata - Válastígur - Freyjugata - Haðarstígur - Nönnugata - Njarðargata - Freyjugata (með viðkomu í Einarsgarði) - Mímisvegur - Eiríksgata - Barónsstígur - Leifsgata. Nú veit ég hvar langafi minn og langamma áttu heima í Bergstaðastrætinu.

Þegar herrar hússins voru mættir heim til sín fór fjölskyldan á Klambratúnið, einn á hjóli, annar með flugustöng og sú þriðja með teppi og bók. Allir æfðu sig að kasta um stund og svo héldum við krókloppin heim í sumarblíðunni að elda kvöldmat.

Nú er sumsé dagur að kveldi kominn og við bjóðum góða nótt.

Ég var að koma heim frá 17. júní hátíð á Amager Strand.

Ekki bjóst ég við að nokkurntíma í útlandi myndi ég rekast á svo marga fjölskyldumeðlimi mínu í einu. Þarna voru líka ansi margir úr "hinni fjölskyldunni", þ.e. Íslensku fólki sem ekki drekkur áfengi (lengur). Ég þekkti því helminginn af liðinu.
Það var ekta 17. júní veður, rok og rigning.
SS pulsur, Lindubuff, Nizza, Hraun og Opal.
Lúðrasveit og kór.
Fjallkonukeppni þar sem kona í þjóðbúning var eini keppandinn.
Blak keppni milli þriggja liða frá kvennakórnum og tveggja liða frá sendiráðinu.
Og auðvitað ræða.

Þorsteinn Pálsson flutti ræðuna. Hann sagði meðal annars að Íslendingar hefðu löngum ferðast til Danmerkur til að drekka í sig frelsisandann. Allir með greindarvísitölu hlógu.
Hann bætti því við að SS pylsur væru mikilvægar til að næra sálir Íslendinga, sökum smæðar þjóðarinnar.

Þetta þótti okkur líka fyndið.

Það var alveg ofsalega gaman þó við færum áður en blakkeppnin byrjaði. Það var nú svona nokkuð augljóst hvernig það færi í rokinu.

Gleðilega þjóðhátíð.

Jæja nú jæja. Fjölnýtilegasta orðskrýpi sem íslensk tunga skartar: jæja. Ég get nú vart orða bundist af gleði þar sem ég hef tekið eftir því að Langalöng Hammers hefur nú bæst í blogg-glaðan hóp.

Hér sit ég á Laugum og var að fá spurningu frá næturverðinum: ,,Hættir þú aldrei?" Ég var næstum því búinn að segja honum söguna af því þegar ég hætti hjá Fosshótel með súran svip í smettinu eftir misheppnaða vinnuferð í Hólminn, þar sem Lavi var hundeltur af þroskaheftum manni með hamar á lofti hérna um árið. Hætti hins vegar við á síðustu stundu. Sagði fátt.

Merkilegt hvað allir dagar eru eins á Laugum. Ég veit ekki lengur hvort það er virkur dagur eða helgi, dagur eða nótt, hvort ég er að koma í vinnuna eða fara. En það er allavega útskrift hjá Helgu á morgun, öllum boðið á Players upp úr tíu.

Gott ef Dr. Næturvakt var ekki að vísa í auglýsinguna um lyktareyðinn sem maður skammast sín fyrir....

Lavi, við erum varla einir mikið lengur.

Í gær var bleikur dagur á Íslandi og í dag geng ég áfram með bleika nælu til heiðurs frændsystkinum mínum tveimur sem fæddust á þessum degi.

Tutla mín, mig langar að spyrja nánar út í svelta köttinn; fékk hann þerapíu? Ég þekki nefnilega svona svelta mannveru sem þarf að borða allt sem hún sér.

Ástarkveðjur til allra, kvenna og kallra.